حوزہ نیوز ایجنسی کی رپورٹ کے مطابق، جعفریہ رابطہ کونسل پاکستان کے زیرِ اہتمام ایک تعزیتی اجلاس منعقد ہوا جس میں ضلع اپرکرم (پاراچنار) میں ہونے والے سانحے کے خلاف قرارداد پیش کی گئی۔
اجلاس کے شرکاء کا کہنا تھا اس قسم کی سفاکانہ کارروائیوں سے عوام میں خوف و ہراس کی کیفیت پائی جاتی ہے سانحہ اے پی ایس کے بعد یہ دوسرا بڑا واقعہ ہے جس سے شعبۂ تعلیم سے منسلک افراد متاثر ہوئے۔
اجلاس میں اس واقعہ کی مذمت کے ساتھ گہرے دکھ اور افسوس کا اظہار کیا گیا اور مطالبہ کیا گیا کہ قاتلوں کو فل فلور گرفتار کرکے منطقی انجام تک پہنچایا جائے تاکہ عوام میں پائی جانے والی خوف کی لہر کا سدباب ہوسکے۔
اجلاس میں اس بات پر زور دیتے ہوئے کہ شفاف تحقیقات کے ذریعہ عوام کے سامنے حقائق لائے جائیں، شہید ہونے والے اساتذہ کی مغفرت کیلئے دعا کی گئی جبکہ شرکاء نے دکھ کے ان لمحات میں متاثرہ خاندانوں کے ساتھ اظہار ہمدردی بھی کیا۔
